Myndavefur fjolskyldunnar > Ítalíuferð 3

Myndavefur fjölskyldunnar
::: myndir frÁ DanmÖrku

Myndavefur ::: Ítalía 3 / San Marinó o.fl.
		::: Á Imola 11. apríl 2003 Á föstudeginum tókum við bílaleigubíl og stefnan sett á Imola og San Marínó. Við keyrðum fyrst eftir sveitavegi sem liggur á hinni fornu rómversku leið – Via Æmilia. Á leiðinni heim um kvöldið keyrðum við um háskalegar hraðbrautir en óhætt er að fullyrða að ítalskir ökumenn séu brjálaðir. Það var því kannski viðeigandi að heimsækja Imola-kappakstursbrautina þar sem San Marínó kappaksturinn er haldinn ár hvert. Imola er þó alls ekki í San Marínó. Á myndinni eru pabbi og mamma með upphafsstað og endamark brautarinnar í baksýn. Við stóðum þarna á opnu áhorfendastæði og eftir stutta heimsókn kom í ljós að jarðvegurinn var hræðilegur. Við það að labba um svæðið rótuðum við upp leðju og eyðilögðum næstum skóna okkar. Við þurftum að eyða góðum tíma í að hreinsa þá áður en við stigum aftur í bílaleigubílinn.
		Upp
		::: Í "funiviu" upp í San Marinó 11. apríl 2003 San Marinó er sjálfstætt smáríki mitt á Ítalíuskaganum. Ríkið er 61 km2, byggt á nokkrum hæðum. Höfuðborgin ber sama nafn og stendur á hæstu hæðinni, hinu ósigrandi Títanfjalli. San Marinó var dæmigert borgríki á miðöldum og tókst nær yfirleitt að verja sjálfstæði sitt gegn atlögum hertoga og konunga. Þegar Ítalía sameinaðist á seinni hluta 19. aldar tókst íbúum borgríkisins að semja um sjálfstæði sitt og hefur haldið því síðan. Um 26 þúsund íbúar kjósa sér 60 manna þing á fimm ára fresti en síðan eru valdir tveir ríkisstjórar sem hafa stjórn með höndum sex mánuði í senn. Það er hægt að komast á bíl upp að borgarmörkunum á Títan-fjalli en það er öllu skemmtilegra að leggja neðar og fara upp með kláfi – funiviu – eins og það heitir á ítölsku. Sigurveigu þótti þetta frábært og var þessi ferð upp og niður meðal þess sem henni fannst skemmtilegast í allri ferðinni og funivia eina ítalska orðið sem hún vildi læra.
		Upp
		::: Feðginin í skýjunum 11. apríl 2003 Sigurveig og pabbi með einstakt útsýni í baksýn. Við vorum mjög heppin með veður og því gátum við séð í hæðirnar í kring og út á Adríahaf. Rétt hjá San Marinó er hinn kunni sumarleyfisstaður Rimini en þaðan hafa ýmsir Íslendingar komið til að heimsækja forna borgríkið.
		Upp
		::: Stjórnarbyggingin 11. apríl 2003 Hér má sjá aðalstjórnarbyggingu San Marinó. Það er rétt að nefna að San Marinó er sjöunda landið sem Sigurveig heimsótt eða dvalist í. Hin eru Danmörk, Spánn (Mallorca), Portúgal, Þýskaland, Ítalía og auðvitað Ísland.
		Upp
		::: Á Ferrari-safninu í Maranello 12. apríl 2003 Á safninu í heimabæ Ferrari mátti meðal annars sjá dæmigert brautarskýli Ferrari-liðsins með öllum græjum. Þar mátti einnig sjá Ferrari-bíla frá ýmsum tímum, bikara, endurgerð af skrifstofu Enzos Ferraris. Ein hæð var tileinkuð tækni, vélum og dekkjum og loks var hægt í einum sal að prófa Ferrari simulator.
		Upp
		::: Gamli og nýi tíminn 12. apríl 2003 Aftari bíllinn er frá 1989 en sá fremri er af 2001 árgerðinni, sem vann Formúlu 1 það árið.
		Upp
		::: Einn af þeim elstu 12. apríl 2003 Sigurveig við einn af þeim elstu sem Enzo Ferrari smíðaði. Bíllinn var smíðaður árið 1951.
		Upp
		::: Fékk að prófa 12. apríl 2003 Sigurveig fékk að prófa Ferrari! Reyndar var þetta Ferrari-leiktæki en hún skemmti sér vel engu að síður.
		Upp
		::: Gott að fá sér sopa 13. apríl 2003 Eftir góðan göngutúr er gott að fá sér vatnssopa.
		Upp
		::: Turnarnir tveir 13. apríl 2003 Áður fyrr prýddu tugir turna Bologna. Rígur milli leiðandi fjölskyldna í borginni leiddi til samkeppni í turnabyggingu. Aðeins tveir þeirra standa enn og eru báðir rammskakkir. Annar þeirra Torre degli Asinelli er 97 metra hár en hinn Torre Garisenda er 47 metra hár. Þessir turnar eru jafnan taldir eitt helsta kennileiti borgarinnar.
		Upp
		::: Sjáðu hvað ég er fín 13. apríl 2003 Sigurveig sýnir jafnvægislist sína en hún stendur þarna upp á steini. Eins og sjá má er hitinn kominn í eðlilegt horf og hægt að vera í kjól úti.
		Upp
		::: Á svölunum hjá afa og ömmu 13. apríl 2003 Sigurveig gat leikið sér svolítið á svölunum heima hjá afa og ömmu í Bologna.
		Upp
Ítalía 1 – Ítalía 2 – Ítalía 3